D'Chambre des Métiers- Neie Partner am Projet Sustainable Entrepreneurial Schools!

Léiert d'Aktivitéit "Perspektiv Handwierk" vun der Chambre des Métiers kennen an fërdert esou d'Bewosstsin fir d'Perspektiven am Handwierk fir all är Schüler a Schülerinnen.

Perspektiv Handwierk: All Dag notzen a benotze mir Produiten a Servicer, déi vun Handwierksbetriber hiergestallt oder ugebuede ginn. D’Handwierk befënnt sech matzen an eiser Gesellschaft an ass DE Partner, wann et ëm d’Schafe vun Iddien an Innovatiounen, Aarbechts- an Zukunftsperspektiven, Zefriddenheet a Stolz duerch d’Hierstelle vu konkrete Produite geet. Mat ronn 8.000 Betriber a 99.500 Leit, déi an dësem Beräich schaffen, ass d’Handwierk den éischten Employeur am Land a mat iwwer 1.800 Persounen, déi eng Léier maachen, den Haaptformateur zu Lëtzebuerg! D’Handwierk representéiert 21 % vun alle Betriber an 21 % vum gesamten Emploi am Land, an ass soumat e wichtege Pilier vun enger effikasser an nohalteger Wirtschaft zu Lëtzebuerg. Déi Jonk sinn sech net ëmmer dëser Vilfalt vu Beruffs- a Karriärsméiglechkeeten am Handwierk bewosst. D‘Chambre des Métiers bitt mam "Perspektiv Handwierk" eng Plattform fir Schüler, Enseignanten a Eltere mat Austauschméiglechkeeten zum Thema un, a wëll esou fir d’Handwierk an seng Beruffer begeeschteren.