Girls Go Circular - Compétences entrepreneuriales et digitales autour de l'économie circulaire

Beschreiwung:

Girls Go Circular huet zum Zil, jonk Leit – Meedercher a Jongen (tëscht 14 a 19 Joer) – mat wichtege digitale wéi och entrepreneuriale Fäegkeeten auszestatten, iwwer eng Online-Léierplattform, déi sech op d’Kreeslafwirtschaft konzentréiert. De Programm gëtt vun der Europäescher Unioun finanzéiert an europawäit vum EIT RawMaterials koordinéiert.

Och wann de Projet sech haaptsächlech op Meedercher fokusséiert, si Jongen ausdrécklech invitéiert, um Léierprogramm deelzehuelen – besonnesch an gemëschten Léierëmfeld: Mir léieren zesummen, fir Geschlechterstereotypen a Virurteeler ofzebauen, an all Mënsch brauch digital Fäegkeeten fir säi Liewen a seng Karriär.

Am Mëttelpunkt vum Projet steet den Circular Learning Space (CLS) – eng Online-Léierplattform, déi op der „learning-by-doing“-Approche baséiert. Si bitt de Schüler d’Méiglechkeet, hir Kenntnisser iwwer d’Kreeslafwirtschaft ze verdéiwen an dobäi digital Kompetenzen ze entwéckelen.

D’Plattform besteet aus 18 komplette Moduler mat ënnerschiddlechem Schwéierpunkt, déi verschidde Facette vum Konzept vun der Kreeslafwirtschaft ofdecken. Et ginn zwou obligatoresch Moduler an 16 thematesch wielsbar Moduler. Dës Moduler sinn a méi wéi 20 Sproochen verfügbar, dorënner Franséisch, Däitsch an Englesch, wat d’Accessibilitéit fir all Schüler garantéiert.

Léierziler: D’Schüler entdecken d’Prinzipie vun der Kreeslafwirtschaft a entwéckelen gläichzäiteg hir digital an entreprenarial Fäegkeeten. Duerch praktesch Aktivitéiten léieren si d’Herausfuerderunge vum nohaltege Wuesstem kennen a léieren, konkret Léisunge fir eng méi verantwortlech Zukunft ze entwéckelen.

Kompetenzen: Kollaboratioun/Collaboration, Kommunikatioun/Communication, Kreativitéit /Créativité, Kritescht Denken/Esprit critique, Sozial Bewossstsinn/Conscience sociale, Virwëtz /Curiosité