Startup Programme

Jonk Entrepreneuren Luxembourg

Beschreiwung:

De Startup Programm ass e Programm fir d’Virbereedung op d’Grënnung vun enger Entreprise, geduecht fir Studente vum héichschouleschen Niveau (Universitéit an BTS). Gruppe vu jonke Leit (2 bis 6 Memberen) stellen sech d’Aufgab, eng innovativ, ëmsetzbar an wirtschaftlech rentabel Produkt- oder Service-Iddi ze fannen an e Businessmodell ronderëm dës Iddi ze entwéckelen.

Am Laf vum Programm analyséieren d’Participanten d’Faisabilitéit vun hirem Projet mat der Ënnerstëtzung vu Fachleit („Coachë“) aus der Geschäftswelt. Wärend dem Programm ginn et Formatiounen mat Expert·inne aus verschiddene Beräicher, fir d’Student·inne ze ënnerstëtzen an ze guidéieren duerch déi verschidden Etappen. D’Student·inne ginn dozou ugedriwwe Prototypen ze entwéckelen an hire Projet virun engem Jury mat potenzielle Investisseuren ze presentéieren – a verschiddenen Etappen.

E nationale Concours gëtt organiséiert, bei deem déi bescht Projeten vum Joer ausgezeechent ginn. D’bescht Ekipp vum Joer kritt d’Méiglechkeet, un der europäescher Finale – GEN-E – deelzehuelen, déi vun Junior Achievement organiséiert gëtt.

Léierziler: De Startup Programm huet zum Zil, d’Entrepreneurskap-Fäegkeeten bei de Student·innen ze entwéckelen, besonnesch Kreativitéit, Duerchhalverméigen, Selbstvertrauen, Initiativgeescht, Teamgeescht an de Sënn fir Verantwortung. All dës Fäegkeeten hëllefen hinnen souwuel an hirem beruffleche wéi och perséinleche Liewen.

Kompetenzen: Duerchhalverméigen/Persistance, Féierungsqualitéit /Leadership, Initiativ/Initiative, Kollaboratioun/Collaboration, Kommunikatioun/Communication, Kreativitéit /Créativité, Kritescht Denken/Esprit critique, Problemléisung/Résolution de problème, Sozial Bewossstsinn/Conscience sociale, Upassungsfäegkeet/Adaptabilité, Virwëtz /Curiosité