Job Shadow Day

Jonk Entrepreneuren Luxembourg asbl

Beschreiwung:

De Job Shadow Day erméiglecht de Schüler ab 16 Joer, en Dag laang eng Entreprisedirektioun (oder e Servicechef) oder hire Vertrieder ze begleeden.

Dës Erfarung ënnerscheet sech vun enger einfacher Entreprise-Vist, well d’Schüler kënnen en ganzen Dag iwwer observéieren, wéi eng Aufgab en Direkter oder eng Direktrice am Alldag erfëllt. Op dës Manéier kréien d’Schüler en Abléck an d’Responsabilitéiten, déi mat dësem Posten verbonne sinn, an sammelen wichteg Andréck aus dem beruffleche Liewen.

Léierziler: De Job Shadow Day huet zum Zil, de Schüler folgend Aspekter ze vermëttelen: - D’Wichtegkeet vun enger gudder Schoulbildung: D’Schüler erkennen, wéi hir Kenntnisser a Fäegkeeten aus der Schoul hinnen am beruffleche Liewen hëllefen. D’Ufuerderunge vum Aarbechtsmaart (gefronte Profiler a Kompetenzen) - En Abléck an d’Responsabilitéiten, déi mat der Roll vun engem Entreprisedirekter verbonne sinn - D’Bedeitung an d’Wichtegkeet vum Teamwork - En Iwwerbléck iwwer verschidde Karriärweeër - D’Motivatioun, fir selwer ze entreprenéieren

Kompetenzen: Féierungsqualitéit /Leadership, Kollaboratioun/Collaboration, Kommunikatioun/Communication, Kritescht Denken/Esprit critique, Sozial Bewossstsinn/Conscience sociale, Upassungsfäegkeet/Adaptabilité, Virwëtz /Curiosité